Vetrafrí - engar æfingar 20&21.okt

Góðan dag.Okkur langar að byrja á því að þakka fyrir frábæra þátttöku í foreldraboltanum síðastliðinn sunnudag. Það var gaman að sjá hversu margir mættu og tóku þátt í fótboltanum með okkur. Nýskipað foreldraráð á hrós skilið fyrir gott framtak og eru þau strax byrjuð að skipuleggja næsta viðburð sem haldinn verður fyrsta sunnudag nóvember mánaðar.Mig langar að fara aðeins yfir tvennt sem rætt var á foreldrafundinum.Rætt um að fara á a.m.k. eitt mót á hverri árstíð s.s. vetrarmót, vormót, sumarmót og haustmót. Einnig virðist vera vilji fyrir að fara á tvö stærstu mót sumarsins, Símamótið í Kópavogi ca. 20 júlí og Pæjumótið á Siglufirði ca 8-10 ágúst. Auk þessara móta þá viljum við reyna að spila einn æfingaleik í mánuði.Þátttaka foreldra er mjög mikilvæg leikmönnum í íþróttum, sérstaklega á þessum aldri. Því er það okkur þjálfurunum mjög mikilvægt að fá fjölmennt og öflugt foreldraráð sem er tilbúið að aðstoða okkur. Hugmyndin er að hafa einhvers konar viðburð reglulega, helst einu sinni í mánuði. Viðburðirnir þurfa ekki að vera stórir í sniðum til þess að vera skemmtilegir og skila tilætluðum árangri. Nú þegar eru komnir 5 foreldrar í ráðið og þar af fjórir foreldrar stúlkna af yngra ári (2005). Því væri gott að fá fleiri foreldra stúlkna af eldra ári (2004). Áhugasamir mega endilega senda mér tölvupóst.Að lokum vil ég vekja athygli á því að við förum í vetrafrí samhliða grunnskólunum og verða því engar æfingar sunnudaginn 20.okt og mánudaginn 21.okt.  Með kveðju þjálfarar